Ebbes
Ebbes, des is ebbes,
aafach ebe ebbes.
Duud disch wer ebbers fraache,
musste ebbes saache;
mool vergisste ebbes,
mool vermisste ebbes;
ebbes hoste zu entscheide,
ebbes kannste gar nit leide;
ebbes reescht disch schrecklisch uff,
uff ebbes kemmste grad nit druff;
ebbes brauchste aach zu Kaue,
ebbes zum Verdaue;
ebbes für die dorschdisch Kehl,
ebbes für die menschlisch Seel;
nadierlisch ebbes zum Aazuziehe,
ebbes aach zum Kinnerkriehe;
ebbes quietscht und ebbes kloppt,
ebbes hot des Rohr verstoppt;
ebbes suchste im Werkzeugschrank,
ebbes lieht uff de Hobbelbank;
ebbes is es was dir fehlt,
ebbes was disch quählt;
ebbes kemmt un ebbes geht,
für ebbes is es nie zu spät …
No Comments