Weiber, Weiber
Überall fehlt bei mir en Knopp
un mei Alt`- die hot e Loch im Kopp!
Vor lauder in de Spieschel gaffe
duut se nix mer schaffe.
Sisch selber zu ergründe,
neue Weesche dozu finde,
des hör isch de ganze Daach
un dehaam – do sieht mer`s aach.
Zu Esse is nix mehr im Haus,
de Doschenanner leeft die Diir enaus.
„Freelsche – mei Freelsche isch krieje Disch!“
Du werst disch wunnern was isch alles kann!
Isch haach mer e Rumstick in die Pann,
hocke drei Zwibbele obbedruff
un mach in de Kisch kaa Fenster uff!
Isch packe es halt selbst aa,
krieh aach e Friistick ohne Fraa!
Isch waas wo Schipp und Besen hänge;
kann Sauerkraut un Fleisch doschmenge;
bin nit dabbisch, bin nit depp,
isch raam mein Beddel gleisch eweg!
„Ei – guck aa“, flötet se hold:
„Des un nit mehr hot Dei Freelsche gewollt!“
Doris Lauck „goldisch hessisch“
Freelsche = Mädchen oder junge Frau, gewitzt – eigensinnig
No Comments