Die Schnüffelsau
Die Polizei is gaa schlau
un hällt sisch e Schnüffelsau.
Mi de Hunde, des is so e Sach,
die affe so vill de Mensche nach,
habbe sich ganz integriert
un schloofe unscheniert
bei Herrsche und Fraasche im Bett,
so is die Hamonie komplett.
Familjeglück de ganze Daach.
De Filius hascht, de Opa kaut,
des is dem Hundsche so vertraut
drum riescht es nit, wenn aaner klaut.
Guder Rat war hier deuer,
die Zeite aach nit ganz geheuer,
die warn mies un mau,
do kaam mer uff die Sau.
Un – die Wuzz hot sich bewährt!
Des Wort „dumm Sau“ is ganz verkehrt.
Im Schnüffele, gaa kaa Fraache
is se aafach nit zu schlaache,
es sei denn, dass se wie de Hund
im Bett verschwind.
Des wär en Grund!
llustration Lilli Palmer
No Comments