Die Frau Hembel un ihrn Krembel
Unners Bett stoppt die Frau Hembel
alleweil ihrn Kembel.
Do drunner – do sieht`s aus!
Do find kaa Katz kaa Maus!
Sellischmool laach Vadder Hembel
in seim Bett uff all dem Krembel.
De Buckel daat ihm weh,
des konnt mer werklisch seh`.
De Dokder macht e ernst Gesischt:
„Hembel, Hembel – hier stimmt was nischt!
Wo komme die ville Delle her
uff deim Buckel kreuz un quer?
Des sieht mir ganz gefährlisch aus.
Isch glaab, du musst in`s Krankehaus.
Mit soebbes is nit zu spasse!
Des muss mer unnersuche lasse!“
Dann guckt er sich`s Bett noch oo
un seet „Ei – was habbe mer dann doo?
Hier sinn ja aach die Hibbel
für all die ville Dippel.“
„Des waas isch“, seed de Hembel.
„Des kemmt von unserm Kembel.“
Sellischmool = einstmals
Krembel = alle möglichen Dinge
No Comments