Abendgebet
„Gute Nacht, du lieber Gott
un pass schee uff misch uff.
Isch hab aach heut nix aagestellt,
mei Hand geb isch dir druff.
Beschütz die Mama und de Baba,
aach mein klaane Hund.
Kranke Kinner sinn was Schlimmes,
die mach schnell gesund.
Beim Herrn Lehrer un dem Frollein
mach die Aache zu.
So es bissje Masern, Schnuppe,
do kann kaaner was dezu.
Nur aans det isch so gern wisse,
lieber Gott, kannste mer saa
ob du dei Jesusje verkloppt host
wenn der mool an de Kesche war?“
No Comments